ЈОУДГ „Павлина Велјанова“ е со проектиран капацитет за згрижување на вкупно 650 деца од предучилишна возраст од 0 – 6 години и има статус на воспитно-образовна институција, која кореспондира со соодветни просторни услови, соодветни кадровски потенцијали, психолошка служба и директор.

Установата располага со четири објекти во градот, еден објект во нас.Оризари и  ЦРДР во с.Тркање кој се реализира во просториите  на ОУ,,Никола Карев
МИСИЈА НА ГРАДИНКАТА:
Горди сме што растеме, играме,твориме а и учиме заедно со децата и ние ... 
во една креативна, здрава и безбедна атмосфера со еднакви можности за сите.

Објект „Бамби“ е изграден 1972 година. Се наоѓа на ул. „9-ти мај“ бр. 1 и располага со внатрешен простор од 892 м2. Проектиран капацитет за 110 децаОбјектот е реновиран 2020 година.Занималните се пространи и солидно опремени.Бројот на децата во јаслените групи е 15 деца,додека кај групите 2 до 6 години 25. Располага со 5 занимални, игрална, соодветни санитарни јазли. Објектот има простран двор со покриена летна училница, градина и нишалки.

Објектот „Ѕвездички“ е изграден 1977 година. Се наоѓа на ул. „Македонска“ бр. 2a и располага со внатрешен простор од 1350 м2 и дворна површина од околу 4400 м2. Располага со 9 занимални, соодветни санитарни јазли. Проектираниот капацитет на објектот е 160 деца.

Објектот „Сончогледи“ е изграден 1981 година. Се наоѓа на ул. „Скопска“ бр.38 . Има внатрешна површина од 1117 м2, а дворна околу 7000 м2. Во објектот има 8 занимални со проектиран капацитет за 150 деца. Исто така има кујна со трпезарија, гардероба, санитарни јазли, лекарска просторија. Објектот располага со простран двор,богат со зеленило,забавно катче како и детско игралиште.

Објектот „Цветови“ е изграден 2001 година. Се наоѓа на ул. „Гоце Делчев“ бр.22 .Внатрешната површина изнесува 1430 м2, а дворната 2700 м2. Објектот има 8 занимални и е со проектиран капацитет за 150 деца.

Објектот „Кокичиња“ се наоѓа на ул. „Кеј на револуцијара“ б.б. во нас. Оризари и истиот одговара на пропишаните со закон норми. Внатрешната површина изнесува 248 м2. Објектот има 2 занимални и е со проектиран капацитет за 50 деца над 2 до 6 годишна возраст.

Во завршна фаза е изградбата на нова детска градинка во Кочани со грант од Проект финансиран од Светска Банка, со кој се подобрува пристапот до услугите за згрижување и воспитание на деца. Кочани е една од првите четири општини во државата на која Министерството за труд и социјална политика соодветно одговори на потребите, со што по четириесетина години добива средства за нова, модерна градинка, проектирана по најсовремени стандарди.Нејзиното отварање се очекува оваа година.